Poesie nella parlata limenese
Scritte da alunni della classe 3 A
considerando elementi storico-culturali del proprio territorio
(anno scolastico 2017-18, prof,
Bruno Trevellin)
(Limena, Il traghetto sul Brenta, foto d’epoca)
I
EL TEMPORAE, di Carlotta M.
Sento el lamento del vento
fra e rame dei piopi
visin casa mia,
el pianto dea piova
in te e stopie
e on sigare distante
de on ozheo impaurio.
Eco on lampo
che ilumina el cieo.
El me pianto zhè coverto
dal brontoeare de on tuono.
II
EL MUIN, di Thomas B.
Vecio muin
abandonà
I omeni te ga
desmentegà
Ma ti te ste
là e te speti
Oncora el to
destin
Non te
lavori pì e te si blocà,
Incricà e no
te varda pì
Gnanca chi
che te gà
Par secoi
sfrutà
III
LAVANDARE, di Valentina A.
Zhovani
e vecie, tute
‘na
volta ‘ndava
Là a
stendare
I
pani al sol
In
istà e col fredo
Coe
man giazhae
E
coe man screpoeae.
De tuto
e gà soportà
Par
tuta ‘na vita.
IV
EL FIUME, di Valentina A.
Scolto
l’aqua
Che
soto el ponte
Core
via
Vardo
i ozhei
Posai
sora e rame
Farfae
voeare
Tuto
me pare
On
sogno beo
E mi
me perdo
Dentro
sta natura
Stando
soea sora
Sto arzhare
del Brenta
V
VECIO
CANAL, di Tommaso V.
Vecio
Brentea, ti che te ve col to corso
calmo,
che par ani te ghe fato lavar
i
pani ae nostre femene
chi
o’ sa quaeo che zhè el senso
del
to ‘ndare, forse
proprio
sto qua, forse n’altro,
forse
nesuno, chi ‘o savarà
mi
intanto te vardo e resto imagà
dai
riflesi che el soe te fa.
VI
‘NA RONDINE SORA EL CAMPO, di Giovanni M.
Sora el
campo
voea na
rondine
incantà dal
so coeore
Coeore de oro
presioso par
chi sora
ghe gà
lavorà.
Campo pien
de fadiga
Par chi sora
ga suà
par mi, par
ti.
Adeso dime
parché, campo,
ti te sì
dorà,
e mi adoeorà
VII
EL TRENO, di Giulia G.
On
treno che partia
Ogni
matina.
On
treno che vedea ogni dì
Zhente
e carichi de robe
On
treno adeso stufo,
vecio
e soeo.
On
treno che pì no parte
Che
no assa pì on segno
e
che no torna pì indrio
co
gnente pì da scrivare
nel
so diario
e
gnanca nel so core.
VIII
E LAVANDARE, di Angelica S.
Lavar
la veste
e
cantar à le feste
‘ndemo
femene al rio
el zhè
el nostro destin
lavar,
cusinar, far fioi
‘ndemo
a lavar i pani
dea
nostra fameja
sperando
che el Signor fasa
che
tutto vaga ben
che
se magna anca ancò
che
no manca par l’omo el laoro
Pregar
senpre dovemo
el nostro Signor
IX
EL FIUME, di Carlotta M.
a fila
via
e a se
strasina
tutti
i veci pensieri e el vecio parlar
che,
pian pian, el và distante
senza
asar gnanca pì a so ombra.
X
A LUNA, di Carlotta M.
Luna
te si bea,
da
quando a matina
te
vedo picoea nel cieo ciaro
fin
quando a sera
te
splendi in te el blu
come
el mar dentro de mì.
Quando
jero picoea te vardavo
come
se te fossi el me idoeo
e
desso che so cresua
te
miro ancor de pì.
XI
NONA, Angelica S.
Nona
te voio ben
me
piase come te me vardi
con chei
oci pieni de bontà
che
me te ghe dà
fin
dalla zhovane età.
Voria
che te restassi sempre co mi
par
aiutarme tutto il dì
par
strensarme a tì.
XII
EL TAVEO, di Sofia C.
Lè
ea me terra, el Taveo.
El
siensio domina,
Non
ghe zhè posto
Par chi
che fa confusion.
Mi
el Taveo. Mi e ti soi ‘ndando
Non
ghe se paroe par ti
XIII
VITE SEGNAE, di Marica G.
Tute e lavandare
‘ndava zhò al fiume
a fare ‘na vita da done rinchiuse.
Ogni dì el stesso mestiere,
ogni dì a stessa fadiga
come on destin segnà.
E coe man crepae
e tornava casa sfinie.
XIV
EL TRENO, di Adriana M.
On bel dì no te ghè pì
Vardà a to strada
Te sì deventà subito fredo
E pì no te corevi
In mezho a ste case.
Da tanti ani pì no te passi
Te te ghè sconto chissà dove
E qua desso pasa soeo a to ombra
XV
EL PORTO VECIO, di Mattia Z.
Dentro
sta parte de Brenta
‘ndava
e vegneva
barche
tanto tempo fa,
dentro
sto porto vivo
soeo
nel ricordo e che desso
el
pare come morto.
Gnente
qua zhè pì come prima
Gnanca l’aqua pare pì a stessa
Nota finale: con
questa raccolta di poesie la classe ha partecipato alla Settima edizione del
Concorso: “TUTELA,
VALORIZZAZIONE E PROMOZIONE DEL PATRIMONIO LINGUISTICO E CULTURALE DEL VENETO”
Ambito 1 – La lingua veneta nelle sue espressioni
creative nel teatro, nella musica e nella poesia
Nessun commento:
Posta un commento